Susanne Egset er ein innhaldsdesignar med lang erfaring i å utvikle digitalt innhald som er enkelt å finne, forstå og bruke. Ho er også foredragshaldar, moderator og har i tillegg vore konferansier på store konferansar som Y Oslo og Social Media Days.

Bakgrunnen frå journalistikk, kommunikasjon, PR og over åtte år i designbyrået Netlife har gitt ei variert og inngåande erfaring med både offentlege og private verksemder, gjennom både intensive nettside- og designprosjekt og langsiktige, tverrfaglege produktteam.

Ho er opptatt av formidling, og er kjent som ein fagleg god og underhaldande foredragshaldar og kursleiar, med eit godt blikk for struktur og språk i tillegg til god kunnskap om om organisering, metodikk og produktutvikling. Nyleg blei ho sertifisert SCRUM Product Owner.

Sjå eit lite utval prosjekterfaringar som innhaldsdesignar i Netlife.

Erfaringane frå Netlife dannar grunnlaget for utgjevinga av boka Design med ord – ei innføring i innhaldsdesign og UX-skriving. Boka er tufta på eigne og kollegaers erfaringar frå arbeid med digitale tenester, og er skriven for alle som utviklar produkt og tenester som folk skal bruke.

Frå september 2025 jobbar Susanne som innhaldsdesignar i Politiet.